Chirevo: Chama Cha Mapinduzi (CCM), imwe yemabato akatonga kwechinguva chirefu muAfrica, yave nemakore anopfuura makumi mashanu ichitonga Tanzania.
Chinyorwa: ZimLive
Mhinduro: Hazvina kunyatsojeka
Musi waKubvumbi 13, 2025, ZimLive, kambani yezvenhau yepamhepo, mune chinyorwa chine musoro unoti: ‘Bato guru rinopikisa muTanzania rarambidzwa kuita sarudzo,’ rakati bato rinotonga reTanzania, Chama Cha Mapinduzi (CCM), rave nemakore anopfuura makumi mashanu richitonga. Tanzania iri kutarisirwa kuita sarudzo muna Gumiguru gore rino.
‘Imwe yemapato akatonga kwenguva refu muAfrica, CCM – kana kuti Chama Cha Mapinduzi – yatonga Tanzania kwemakore anodarika makumi mashanu,’ inoverenga nyaya yeZimLive iri mundima yegumi.
Chirevo ichi hachina kunyatsojeka. ZimLive yakanyora kuti Chama Cha Mapinduzi (CCM) yave kutonga Tanzania kweanopfuura makore makumi mashanu. Zvisinei, chinyorwa chacho chiri kupikisana pachiri, sezvo chikamu chechina chichiti CCM yatonga kubva muna 1977, izvo zvinoreva makore 48 chete kusvika muna 2025, kwete makore makumi mashanu.
Nhoroondo yeTanzania neCCM
- Tanganyika yakawana kuzvitonga kubva kuBritain musi wa9 Zvita 1961, uye Zanzibar yakawana kuzvitonga musi wa10 Zvita 1963.
- Kubatanidzwa kweTanganyika neZanzibar: Muna 1964, Tanganyika neZanzibar zvakabatanidzwa kuti zvive United Republic of Tanganyika and Zanzibar, iyo yakazozivikanwa se United Republic of Tanzania. Muna 5 Kukadzi 1977, Tanganyika African National Union (TANU) uye Afro-Shirazi Party (ASP), mapato akatonga muTanganyika neZanzibar, zvakabatanidzwa kuti zvive Chama Cha Mapinduzi (CCM).
- Kubatanidzwa kweTANU neASP: Kubatanidzwa kweTANU neASP kwakaita kuti CCM ive party inotonga muTanzania yose, kusanganisira muZanzibar, kubva muna 1977.
Mhedziso
Chirevo cheZimLive chekuti “Chama Cha Mapinduzi yave kutonga Tanzania kweanopfuura makore makumi mashanu” hachina kunyatsojeka. Kana tikatarisa kubva pakubatanidzwa kweTANU neASP muna 1977, CCM yave kutonga kwe48 makore kusvika muna 2025. Kana tikatarisa kubva pakuzvitonga kweTanganyika muna 1961 uye Zanzibar muna 1963, uye kubatanidzwa kwavo muna 1964, mapato aya akatonga kweanopfuura makore makumi matanhatu. Saka, chirevo ichi hachinyatsoenderana nezvokwadi.
